D Luft isch duss

Iz a aui, wo enttüscht si, wüu sie a öpis angers denkt hei: «die angeri Frag vo dä Frage» het er bereits vor 2 Jahr gsteut.

Aber hie geiz iz nid ums Hürate. Hie geiz um viu meh:

Es geit ume Kampf geg Flatulänzä, geg d Müedigkeit und scho faschd ums Überlebe, we dusse Temperature herrsche vo über 35 Grad! U bi 36 Grad ischs nämlich für mi würklich ke Gnuss meh, dusse z si. Nid mau meh z Bade het mr Spass gmacht.

Auso het definitiv e Alternive müesse gfunge werde. U da dr Flöru (aka mi Ma) haargenau weiss, er müessi was drgege ungernä, wenn i aus früsch Schwangeri z Gfüu ha, i machi iz de e Nahtot-Erfahrig vor luter Überhitzig, handlet er immer sehr intuitiv u pragmatisch:

Lara = schwanger, müed und überhitzt

Berge = Laras Lieblingsfluchtort, egau wenn

Berge si aber o = erfrüschend ir Höchi

Erfrüschend = Lara het besseri Lune und füut sich wöhler mit üsem Nugget

Lara het besseri Lune = AUNE geiz besser

Lara + Berge + Nugget: da gömer!

…U äs isch soooo schön gsi 🙂

Er het mi / üs grettet!  (ja, ig bi – sit ig schwanger bi – äs «Mü» dramatischer / theatralischer worde, was aber durchus ou ungerhautsam cha si, hehe)

Daisy-Blüemlis überau, ds Grüsch vo de Chuäglöckli, wo mi beruhigt het, dr Schatz a mire Site u d Luft, wo dussä isch:

Flatulänzä – Lara: 0 : 1